Amore mio, da werd ich bsunderi täg feschthalte wo mier verbracht händ, wo ich wunderschön gfunde han.. usgang, s fäscht vom Januar mit dinere Familie oder de erscht mal wo mier eus gse händ usw.. Kei angscht, sache wo geheim sind, schrieb ich nöd ;)

Ich weis no, wo ich dich bim Festival s erschte mal gse han. Scho wo du vo witem agloffe bisch hani dänkt ''madonna isch die herzig'' =) Vo dört eweg hämmer die ganz zit zämme gredet. Irgend wenn hämmer agfange eus z hebe a de händ. Bis zletscht wo mier eus umarmt händ... bim heilaufe han ich dich denn ghebet.. das han ich so herzig gfunde... ich han scho dört gmerkt das öppis bsunderigs bisch..

Oder weisch no wo mier is Bowling gange sind.. mier händ eus mega knuddlet... fascht sogar küsst... ich hans so schön gfunde.

Im Groovin hanis au schön gfunde. Ich han jedi sekunde gnosse mit dier.

De durchbruch isch im Fiesta gsi, wo mier eus uf de Bühni küsst händ, obwohl mier nonig zäme gsi sind.. dört häsch mich denn ganz verzaubert...

Ich han nonie mit e frau so spass gha wie mit dier. Du bisch e spezielli frau ;) ich liebe dich so sehr und ich wot dich für immer glücklich mache.. Du bisch mis läbe worde, s wichtigschte i mim läbe.

Ich dänk jedi sekunde a dich... ich merke das ich bi dier kei fehler mache, das versprich ich dier.. du bisch mier zu wichtig. Ich wot mis ganze läbe mit dier si.

Am 31 Dezember isches au brutal schön gsi... Zerscht han ich dini eltere und Grosseltere känneglernt.. und nachem füürwerk am 1.1.05 vor de 1 i de nacht no, han ich dich grüeft und dier gseit wie wichtig du mier bisch.. was ich fühle und han dich gfragt ob wotsch mit mier zämecho.. uf italienisch... du häsch nödemal müesse nadänke... häsch grad ''si'' gseit.. vo dere sekunde a hät sich mis läbe verendert.. es isch so viel schöner worde, es hät en richtige sinn übercho...

Es isch so wunderschön mit dier. Ich werde jedi skunde wo ich mit dier verbringe liebe und gnüsse und das für d ewigkeit.

Ich werde da no meh ineschriebe. Ti amo x tutta la mia vita.

S FC-Fäscht isch denn wunderschön gsi... ich han dini Eltere besser känneglernt.. mier sind füre go tanze =) din Vater hät sogar heimlich es Foti vo eus zwei gmacht.. das han ich so herzig gfunde... de ganz abig dört isch so perfekt gsi.. So perfekt wie du.. du bisch mini Traumfrau..

20.05.2005--> Jetzt sind es paar wuche ume sit ich s letschte mal da inegschriebe han. Mier sind halt (und das freut mich) so viel zäme, das ich kei zit gha han zum da wiiterschriebe. Denn machis halt wärend de Arbeit :) han ja nüd z tue hüt... Vor 3 Täg, am zischtig hani Geburi gha und du häsch mier soo wunderschöni gschänk gmacht.. ich finds so herzig und ich danke dier über alles.. wart nur in 2 wuche a dim geburi was ich dier schänk, denn kippsch ;)

Ich han so sehnsucht nach dier... du bisch mis läbe worde... Ich chönt nie genau erkläre was ich jetzt genau fühle, für das brücht ich öppe 20 Textsiitene... aber churz zämegfasst.. Ich dänk nume no a dich, egal was ich mache, du bisch immer i mim gedanke... und darum wird ich au nie seich mache... ich luege nödemal anderi Fraue ah will du die schönscht bisch. Wenn eini mich amacht, cheri ihre grad de rugge zue. Ich wot nur dich und ich hät grad es schlächts gwüsse wenn eini mich scho nur aluegt.

Ich finds herzig wie mier uf eus ufpassed und uf eusi Beziehig. Es isch eifach alles so perfekt.. Ich han das scholang gseit, aber ---> TI VOGLIO SPOSARE <--- Ich weises genau.. du bisch d Frau vo mim läbe.

So, ich muen wiiterschaffe.. Ich han das no welle schriebe. Ich schrieb denn ja immer meh ine. Bis spöter min ängel. Ti amo x tutta la mia vita stellina mia.

15.8.2005 --> Jetzt isch es wiili vergange sit ich s letschte mal inegschriebe han. Mier händ einiges duregmacht, schöni und schlimmi sache, aber.... mier händ immer zämeghebet und alles gschafft... das alles isch de bewis, das du die frau bisch, wo ich hürate wot... Mis nöchschte Ziel isch ganz klar.. mis Herz schlaht immer schneller wenn ich dra dänk, aber ich machs, und wie ich das mache wird.. 100% nämlich vor dim Vater als Zielbewuste Ma stah und säge, das ich dich hürate werd.. nöd wot, sondern werd.. Ich hoff dini eltere händ scho gmerkt, was ich vor han.. dich z hürate..

Du bisch mis läbe. Mit dier würd ich mis letschte brot teile, min letschte schluck wasser oder sogar dier ganz überlah.. zeig bitte die Homepage diner Mueter.. ich wot, das sie gseht, was ich so schrieb... die Homepage isch wie tür zu mim Herz.. mer chan en blick inewerfe und läse oder gse was i mim Herz so vorgaht :) du bisch jetzt i de Ferie.. in 2 wuche bisch wieder da.. ich halts nüm us.. ich dänk nur no a dich.. das isch neu für mich... Ich find eifach kei Worte zum beschriebe, wieviel liebi ich für dich empfinde.. es isch zu viel.. so worte gits nöd.. aber glaub mier, es sich so viel, das ich zum Mars gumpe chönt :)

Mio dio, schatz, ich bruch dich so.... ich han überall dis  Foti, im Zimmer, im PC, im Portemonnaye, im Natel eifach überall.. damit ich dich immer gsehne... Ich bruch dich so...  Ich hör jetzt uf schriebe will ich Träne han, ich vermiss dich eifach zu fescht und wenn ich da so alles lis, chunts mer vor wie en wunderschöne Film, wie en wunderschöne Traum.. es isch alles so perfekt und ich behandle es wie als wärs e Seifeblase, ganz sanft und fiin, damits nöd Kaputt gaht.. au dini Eltere, ich han sie brutal gern.. sehr sogar... din Brüeder ebefalls..

Ich schrieb es anderes mal wiiter.. ich muen mich ablänke.. zu sehr vermiss ich dich.. ich los euses lied.. Du bisch mis ganze läbe amore mio. Bis nacher min ängel. Ti amo x tutta la nostra vita..

19.03.06 --> Jetzt isch scho s jahr 06.. eusi Liebi und Beziehig isch so starch worde, nüd uf dere Wält chan eus tränne.. ich chans kum erwarte dich hürate und mit dier wohne. Nüd macht mich so glücklich wie du. ich bruch dich zu sehr. amore? UNITI X SEMPRE... Ich mach alles für dich und ich mach alles damit du immer glücklich bisch. Ti amo troppo vita mia. Mier haltet immer zäme, egal wie hart zit isch, zäme schaffemer alles. Ti amo x sempre. Uniti x sempre.

29.10.06--> Ich weis nöd wie afange. Bald simmer 2 jahre zäme. Ich weis nöd wer schuld dra isch, aber ich glaub beidi. Eusi beziehig isch zimmli kaputt gange. Ich han mich verändert will sie mich verletzt hät und umgekehrt au. Sie dänkt ich wot sie nüm, oder ich lieb sie nüm oder ich betrüg sie. Aber das stimmt alles nöd. Ich bruch sie. Sie isch mis ganze läbe. E zuekunft ohni sie isch unmöglich. Da ich kei wärmi und liebi meh vo ihre becho han, han ich kontakt ufgno mit mini beschti kollegin. Ich han e frau brucht wo ich rede chan. Nöd meh. Aber mini fründin hät das uf hinterhältigi art usegfunde indem sie eifach mini sms isch go läse. Debi han ich mich nur welle verabschiede bi dere kollegin. Will ich e feschti glücklichi beziehig wot afange mit mini fründin. Ich hör uf mit de musig, nöd ganz, aber so das ich viel meh zit für sie han. Ich hans scho allne kollege gseit und all verstönds. aber mini fründin muen jetzt au einiges ändere und mitmache, denn für e beziehig bruchts 2. Nur isch mini fründin zu dickchöpfig und überleid nie. Sie macht nöd mit. und das wird eus 100% usenandbringe wenn sie das nöd SOFORT ändert, denn ich ändere nöd mis läbe und verzichte uf die wichtigschte sache wenn sie sälber wiiterhin so tuet wie jetzt. Ich erkänn sie nüm. Sie hät sich brutal verändert. Sie lauft wie en tote ume, zeigt kei freud meh und nüd. Ich wot das sie wieder wie früener wird. Nur so chan ich neu afange und e feschti perfekti und glücklichi beziehig afange oder besser gseit wiiterfüere wie vor mönet bevor mier agfange händ striite. Schatz ich weis du lisisch das jetzt. Ich bin im chäller bi minere erinnerige. Wenn mich wotsch denn chum zu mier, denn momentan liede ich verdammt. Ich lieb dich für immer und ewig. UNITI X SEMPRE!!!

30.10.06 --> Zur Info, sie isch abecho, mier händ eus umarmt und drüber gredet und es isch alles wieder guet. Natürlich müemer dra arbeite damits perfekt wird, aber de erscht schritt isch gmacht worde. Beidi sind wieder glücklich und gönnd zäme imene gemeinsami zuekunft.

03.05.2007--> Mier sind jetzt 2 jahre, 4 mönet und 2 Täg zäme und ich chan mit freud und mit stolz säge... ich lieb sie no so fescht wie am erschte tag, nei sogar meh.. und es wird immer meh.. Über verlobig isch au viel gred worde... de Tag chunt immer nöcher wo ich Ihre de Atrag mache. natürlich chani nöd verrate wenn ;) aber bald.. mier gönnd im Summer zäme uf Sizilie, uf mini Siite. vom 28 Juli bis am 18 Auguscht.. ich freu mich so wahnsinnig.. vorallem will mier alleig flüed.. mini mueter ish denn scho dört.. Ich bin so glücklich mit ihre und ich bruch sie zu sehr... Ti amo x sempre vita mia. Uniti x sempre..

19.08.2007 --> Mier sind jetzt vo de Ferie zrugg. 3 Wuche jedi Sekunde mit mim schatz und es isch no schöner gsi als ich es mir dänk han. Ich han würklich jedi Sekunde gnosse. Ich chans nüm erwarte jedi Sekunde vo eusem Läbe zäme si indem mier zäme wohned. Mier händ so viel unterno in Sizilie, jede Tag über 2 Kilometer gloffe, spass gha, glacht, gfiired und und und. Eusi Beziehig hät sich i dene 3 Wuche no meh zäme tah. Mier händ nöd nur Stahlchättine wo eus zämehebed, jetzt sind es Titanchättine :) natürlich isches eusi unendlichi liebi.

15.12.2007 --> Jetzt isches bald so wiit.. Ich wird miner Fründin Neujahr de Atrag mache. Ihre Vater hät mier gseit er würd sich freue und ich han ihm versproche jedi Sekunde sie z'liebe und uf sie ufpasse. Ich frag sie am See mit e Rimus Fläsche oder so. Ich han allne bscheid geh das ich sie genau am 01:00 Uhr frage wird, die Zit wo mier au zämecho sind :) Bin nervös :)

01.01.2008 --> Mier sind Verlobt :) Sie isch jetzt heigange, es isch abig. Sie hät mier JA gseit nachdem ich nach mehreri aläuf sie ändlich mal (pünktlich sogar) am 1:00 gfragt han.. Ich bin überglücklich. Mier sind euser Beziehig nöcher cho und en schritt wiiter in euser gemeinsami Zuekunft.

17.06.2008 --> Es sind 6 Mönet vergange. ich muen am Mäntig 23.06.08 Operiere, han angscht. Es würd mich freue wenn mini Verlobti mich det hi begleitet und am mäntig go bsueche chunt. Mier sind immerno glücklich verlobt. mier händ jetzt grad e schwierigi Zit da sie viel mache wot wo nöd nötig isch, denn ich wot halt vorwärts mache i de Beziehig und sie halt no ihre Spass wot. Aber ich glaub es bessered denn eis werdemer NIE... eusi Beziehig beende. Denn mier liebed eus zu starch. Mier bruched eus beidi denn keine vo eus beidne chan ohni de ander läbe. More wenn das lisisch bin ich mit träne das am schriebe, träne will ich dich eifach zu sehr liebe, und träne wäg dinere träne wo gha häsch wäg de strite in letscht zit. Mier werdet das löse und wiiter glücklich beziehig ufbaue und eusi Ziele verfolge. Ich chan nüm läbe ohni dich. Mier sind s glücklichschte Päärli uf de ganz wält und wiiter. Paperina mia ti amo troppo e ti amero per sempre. vergiss nie UNITI X SEMPRE.

PS: Sie isch schwanger... :P nei scherz. Aber das chönt ja bald mal da stah :) Bis zum nöchschte itrag.

18.11.2008 --> Nomol en itrag vo no hunderti woni mache wird.. Zit vergaht, euse nöchschte schritt zäme zie und hürate chunt au immer nöcher.. zum alagne nöch.. mier liebed eus meh als suscht, denn vo tag zu tag merkemer meh wie sehr mier eus bruched.. Grad hüt hani ihre flüschternd und mit träne is ohr gseit das ich, wenn ich sie verlüre würd, grad alles verlür woni liebe und han, denn ich han halt kei familie, kein mega bezahlte job woni alles chan ha, keis auto woni chan eifach weg fahre wenni gnueg han und all kollege sind imene andere land.. Sie isch eifach s einzige woni han und.... ich bruch nöd meh denn mit ihre hani alles was ich bruche, ich bin überglücklich. Danach hät sie mich umarmt und gseit ich wird sie nie verlüre.. Ich trau ihre und wird ich immer.. Amore ich buch dich zu sehr.. Du häsch kei ahnig wie sehr ich JEDI sekunde a dich dänke, a zuekuft, a euses chind und euses unendliche glück wo ewig sie wird.. au wenn mier mal nüm läbe werden, werdemer als glücklichi ängel hand in hand um d wäld flüge und die schönschte orte bsueche.. Vergiss nie, mier sind ewig zäme.. Imene buech hani gläse mier mänsche chönd eus das "ewige" nöd vorstelle.. ich säge isch au guet so, denn ich wot und wird nie amene endi dänke da mier ewig und für immer zäme si werdet, uf de erde wie au im himmel.. Ti amo troppo e per sempre vita mia. UNITI X SEMPRE!!

25.10.2010 --> Es isch scho es wiili her das ich da wieder en itrag schriebe.. söll nöd heisse es isch nüd meh los oder so, nei, jede tag isch en wunderschöne tag i euser beziehig und mier händ in dere zit wieder soviel sache unternoh mitenand.. hotel im tessin wo mich überascht häsch demit, chrützfahrt im juni und vor 1 wuche simmer no zäme in lecce gsi für 2 wuche. 2 wuche woni dich jedi sekunde bi mier han, das isch immer die schönscht zit i mim läbe.. du bisch mis läbe.. es vergaht kei sekunde woni nöd a dich dänke, vorher hani all emails woni han (10'900) durchsuecht und dini unter en ordner wichtig inetah und denn han ich all emails gläse und han agfange brüele, es isch so wunderschön wie mier scho 2005 womer zämecho sind so viel mitenand gschriebe händ und wie mier gschriebe händ.. jedes mail schöner als andere.. die beziehig mit dier isch s beschte was mier hät chöne passiere und es wird nie ende.. ich wird immer gfragt vor was ich angscht han da ich en drufgänger bin und kollege meined ich känne kei angscht.. doch ich han eini.. es sind eigentlich 2.. die eint, dich us irgend en grund verlüre, wobi ich da extrem sicher bin dass das nie passiere wird, denn mier passed zu sehr uf das mier eus nöd verletzed, und betrüge wird eh nie passiere, unmöglich, für das simmer zu abhängig vonenand.. die 2 angscht und somit die gröscht.. min tod.. aber nöd das ich sterbe, sondern das vo dem augeblick ich dich niemeh gse wird, und die ganz romanze fertig isch.. uf de erde.. ich bin uf e art nichtgläubig, aber wenns um dich gaht bini mier 1000% sicher das mier nachem tod immerno uf ewigkeit zäme si werdet, ob im himmel oder suscht uf e art, denn ich glaub dra das liebi e macht isch wo nie sterbe chan, also werdemer zäme si au nach dem tag.. aber das sind no seeeehr viel jahre, bis denn gnüss ich jedi sekunde mit dier :) Es isch jetzt 01:32, ich muen hüt nach 3 wuche ferie wieder go schaffe, ich dänk ich gang go schlafe und träum wieder vo dier wie immer.. Ti amo a sai. Uniti per sempre.

11.01.2011 --> Warum nur chunt mier das lied in sinn wenn ich a dich dänke (http://www.youtube.com/watch?v=LtYG2Pntw8w&feature=related) evt will immer wenn ich a dich dänk chunt sunne und wärmt mich und macht mich glücklich :) egal wie es mier gaht, egal ob mier grad strit händ, egal wenn ich chrank bin, ein gedanke a dich und ich fühl mich wohl wie unter de sunne und han es lächle.. Wenn du wüsstisch wie sehr ich dich bruche.. Jetzt simmer sittem 01.01.2011 6 jahre zäme und ich bin so überglücklich.. jetzt chunt s zämezie, denn hürate und denn chinder.. ich chans kum erwarte, ich freu mich so sehr.. vergiss nie das ich jedi einzelni sekunde a dich dänke.. Ti amo a sai, uniti X SEMPRE..

06.07.2013 --> Nei es isch nöd fertig, es git eus no :) zur Info, mier hend am 22.06.2013 ghüratet :) Sie isch jetzt mini Ehefrau und wird für immer mit mir zäme sie.. Ich bin so glücklich, chans eifach nöd erchläre.. Mir sind im April 2012 zämezoge und hends endlich gschaft mit de Hochzit.. Es isch wunderschön si.. Wo sie in Rum cho isch, in mini richtig gloffe vorem Altar, han ich fascht brüelt.. ich han mich sooo müesse behersche, mini Tante und mueter hends gmerkt :) Ich hans eifach nöd chöne glaube das ich die wunderschöni und perfekti Frau endlich hürate.. mir hend immer wieder puff gha, aber immer nur chlinichkeite, das isch eifach so imene Beziehig, aber mir hend eus immer wieder verzeiht.. warum?? Will mir eus liebed und mir ohni enand nöd chönd läbe.. More, vivo per te.. du bisch mis läbe und alles was ich bruche.. Ohni dich wär ich nüm am läbe denn du bisch mini motivation für alles und mini hoffnig, mini zuekunft und mini freud.. Ich bin am arbeite, aber ich denk so fescht a sie wie immer eigentlich, das ich wieder mal a dere Page arbeite muen, damit ihr liebi leser wüssed das mir endlich verhüratet sind.. Sobald mir es chind hend, wird ich wieder da ineschriebe.. Bis denn läbemer überglückich in ehe wiiter. Ich chans immernonig glaube... Ich han sit 8,5 jahre kei frau meh agluegt oder agflirtet will ich nur eini will und flirts vo anderi pralled a mier ab.. Ich bin imun dagäge will ich nur mini frau wot. Es ist 17:20 und ich freue mich jetzt scho uf de fiirabig damit ich mini frau gsehne.

PS: Mir hend en hund sit 2.5 jahre, sie heisst Kyra. Mir ihre hemmer scho e chlini Familie :) Ich wird no Fotis inestelle ide nöchscht zit. Also bis denn. Cya zäme.